La unua kaj duono – finfine mi alvenis en Visbadeno. La du lastajn kilometrojn mi iras per taksio. Bonan nokton al ĉiuj.
Meznokto kaj duono – mi ĵus alvenis en Frankfurto. La sekva trajno estos urbtrajno (S-Bahn) al Visbadeno. Antaŭ tri kvaronoj – en Mannheim-o – la Deutsche Bahn unue anoncis ke mia trajno atendus al alia malfruiĝa trajno el Munkeno. Tio estus danĝeriginta mian konekton en Frankfurto. Feliće por mi mia trajno subite forlasis Mannheim-on sen ke la alia trajno estus alveninta.
Preskaŭ la oka. La trajno el Milano al Zuriko malfruiĝis. Nur dudek minutojn, tamen tio sufiĉis por mi ne trafi la sekvan trajnon al Mannheim-o. Mi nun devas iri per nokta trajno, kiu forlasos Zurikon je la oka. Tio signifas ke mi alvenos al hejmo je la unua kaj duono… Estos mallonga nokto.
Kvarono antaŭ la kvina, jam en Svislando – denove nur alŝutonte poste por la manko de senpaga sendrata interreto: La trajno foriris el Milano akurate. Ĝi atendis tre longe apud la limo, tamen estas ankoraŭ akurate. Ŝajnas ke la fervoja firmao (la Itala? la Svislanda?) planas kun multe da sekureca tempo.
Ĵaŭdo, preskaŭ la tria. Mi atendas al la infomaĵo pri la platformo el kiu la trajno el Milano al Zuriko alvenos. Ĉe la vojo reen mi nur havos dek minutojn por ŝanĝi en Zuriko. Do mi nun fidas al la itala kaj la svislanda fervoja firmaoj.
Preskaŭ la deka – finfine mi alvenas en Milano Centrale. La malfruiĝo estas dek kvin minutoj, kiuj estis kolektataj en Domodossola.
Bonan nokton al ĉiuj.
La oka kaj kvarono. Mi ĵus alvenis en Domodossola, la unua haltejo en Italio – ŝajnas esti longa halto. Fakte, en Svislando mi devis ŝanĝi la vagonon. La konduktoroj modifis la numerojn de la vagonoj post mi eniris la trajno en Bazelo. Do la vagono en kiu mi sidis finis en Brig-o. Bonas scii ke ankaŭ en Svislando ne ĉio perfektas.
La kvina kaj duono – la trajno el Bazelo al Milano ĵus ekiris akurate. Ne estas sendrata interreto en ĉi trajno. Krome, poŝtelefona konekto al la interreto kostas en Svislando por mi. Do mi nur skribas ĉi tio kaj alŝutos poste, kiam mi estos en Italio.
Nun estos du horoj por duolingo. Se mi uzas la tempon hodiaŭ kaj ĵaŭdon, kaj havos iom feliĉon, mi povas atingi la sekvan nivelon.
La tria kaj duono: Alveninte en Bazelo akurate. Atendas nun en kafejo la trajno al Milano. Jen fotoj de la industria urbo.
Mallonga mesaĝo je la dua kaj kvardek minutoj, preskaŭ en Svislando: La trajno, per kiu mi devus iri laŭ la plano de Deutsche Bahn jam estas malfruanta. Se mi decidus por ĝi, mi devus havi tre fortajn nervojn – kiujn mi ne havas.
Kvarono antaŭ la unua – mallonga informaĵo el la trajno: La trajno estas tre malplena, tial ne gravas ke ĝi estas alia tipo ol planita kaj mia rezervita sidloko ne ekzistas. La sendrata interreto estas tre malrapide. Mi nun uzas la konekton de mia poŝtelefono. Ĉefe ni restu en la planita tempo – pli malpli.
Tagmanĝo! Aĉetita en la stacio – € 13,50. Je la venonta eblo en Bazelo tia manĝo verŝajne kostus la duoblon.
Kvardek minutojn antaŭe: Espero! Ŝajnas ke mia trajno jam iras kaj estas planata akurate. La pasaĝeroj en la kontraŭa direkto malbonŝancas: Ilia trajno ne iras.
Mateno, preskaŭ la oka. Mia fervoja tago promesas esti malenua. Kelkaj malproksimaj trajnoj el Frankfurto ŝajnas esti malfruaj. Precipe mi vidu la averton por la trajno al Milano: Difekto ĉe nivelpasejo. Mia trajno al Bazelo ankaŭ devos pasi tiun lokon…
Venontan semajnon estos dutaga renkontiĝo de mia firmao en Milano.
Pasinte mi flugintus al Milano. Tamen nuntempe mi provas pensi ĉu vere necesas flugi aŭ ĉu ekzistas alia prudenta eblo.
Milano kaj Frankfurto ambaŭ estas ekonomike gravaj urboj en Eŭropo, fakte ambaŭ en la blua banano. La rekta distanco nur estas proksimume kvin cent kilometrojn. Ja estas la Alpoj inter ĝin, sed Svislando havas multajn longajn tunelojn.
Do mi decidis vojaĝi trajne. Bonaj konektoj daŭras iomete pli ol ok horojn, kaj nur unu trajnŝanĝo necesas – kutime en Bazelo aŭ Zuriko. Eĉ estas rekta trajno, sed tro frue por mi. Mi nun planas forveturi mardon je la dekdua kaj alveni je kvarono antaŭ la dudek dua. Tio estas kun longa ŝanĝo en Bazelo – por la nuntempaj multaj malfruiĝoj de Germana fervojan sistemo.
La revenan vojaĝon mi planis ĵaŭdon dum la dek kvina kaj la dudek tria – tre mallonga ŝanĝo en Zuriko.
Ankaŭ estas pli malmultekosta ol se mi flugus – kvankam mi bezonas unu plian tranoktadon en Milano kaj mi vojaĝos en unua klaso.
Estos ankaŭ aventuro. Kaj mi raportos al vi aktuale. Atendu mian mesaĝojn kaj bildojn!