Tian amason da papavetoj mi ne atendis. Lastan jaron sur tiu kampo kelkaj papavetoj kreskis. Tiam la farmisto kulturis grenojn tie. Ĉijare ne grenoj estis semitaj sur tiu kampo – herbejo evoluis.
Krome de ĝia beleco – de la sola planto kaj de la rigardo al amaso – al papavetoj diversaj simboloj estas atribuitaj. La esperanta vikipedio ĉefe montras al la simbolo en Britio por la mortinta soldatoj de la unua mondmilito. La afiŝo en la germana vikipedio ankaŭ priskribas la simbolecon en perslingvaj regionoj por la amo.
Bedaŭrinde, je la sama tago la plejparto de la herbejo estis falĉita. Kiam mi kuris laŭ tiu kampo matenon de la sekva tago, nur malgranda strio de herboj kaj papavetoj postvivis. Jen foto iom da tagoj poste, kiam mi laŭiris kun fotilo:
Mi nun pensas ke pro la lastjara kulturado de grejno, la papavetoj sur tiu kampo povis maturiĝi antaŭ la grejnoj estis rikoltitaj. Tiel amaso de papavetaj semoj falis sur la kampo. Tiu amaso da semoj ĉijare ĝermis kaj kreskis.
Ankaŭ multaj aliaj herbejoj apude estis falĉitaj dum tiuj tagoj. Kutime la fojno iĝas manĝaĵo por bovinoj aŭ ŝafoj. La afiŝo en la germana vikipedio ankaŭ priskribas kion sekvas se bestoj manĝas tro multe da papavetoj:
Se remaĉuloj, ĉevaloj kaj porkoj manĝas grandajn kvantojn de papaveto dum la florperiodo kaj dum formado de semoj, veneniĝo povas okazi. Aperas la jenaj simptomoj: centra nervoza ekscito, gastroenterito, maltrankvilo, teruro, furiozo, epileptiformaj konvulsioj kaj senkonscieco.*1
Do, ni esperu ke la tiu miksaĵo da herboj kaj papavetoj ne sufiĉas por tiaj simptomoj al la besto kiuj devos manĝi ĝin. Certe estintus pli bone, se tiu herbejo ne falĉitus…
Feliĉe, sur alia apuda kampo natura beleco ĝis hieraŭ travivis. Kiam hieraŭ mi biciklis, mi vidis en distanco similan herbejon. Kompreneble mi biciklis al ĝi kaj fotis.
Tiu herbo aspektas kiel la unua loko lastan someron: Malpli papavetoj ol ĉijare, tamen la ruĝaj makuloj bele videblas.
Ankaŭ tiun vidaĵon mi trovis hieraŭ:
Kampo de hordeo kun granda kardo. Kiel la biero gustos, kiu estos farita el tiu hordeo?
*1 Fonto: https://de.wikipedia.org/wiki/Klatschmohn, ĉapitro Inhaltsstoffe und Giftigkeit, lasta alineo.