Tiu afiŝo povus havi diversajn aliajn titolojn, ekzemple:
- La tempo de la administracio – kaj ĝiaj ekscesoj
- Atentu la fotantajn civitanojn
- Ĝenerala nervozeco kaj la perdo de la proporcio
- Libereco mortas pece
Hodiaŭ mi hazarde pasis apud la Visbadena centro por kronvirusa vakcinado. Mi afiŝis pri ĝi komencon de Decembro. Nun mi denove vidis ĝin – apenaŭ uzata – kaj decidis ke mi skribu pri mia elreviĝo.
Tial mi faris tiun foton (sen la ruĝa punkto):
Oni povas vidi la barilojn antaŭ la enirejo. Ili estigas du longajn kordonojn – kiel en flughavenoj – por ke la vakcinotoj atendu en bona vico. La aferaĉo: Ne estas atendantoj, ĉar estas tro tro malmulte da vakcino.
Por pli proksima bildo, kaj por eviti la vidalvidan sunlumon mi faris duan foton el la loko, kiun mi markis per la ruĝa punkto.
Tuj poste ano de la Visbadena policeto*1 eliris la domon kaj postulis ke mi malmemoru la foton de mia poŝtelefono kaj mi montru al li mian legitimilon. Ĉar tiu loko apartenas al la privata areo de la centro. Mi demandis ĉu – kaj li konsentis ke – konsekvence la foto de la mezo de la apuda strato (tiun vi nun povas vidi supre) estas legitima.
Al la unua postulo – malmemori la foton – mi konsentis kaj faris tiel. La duan postulon – montri al li mian legitimilon – mi rifuzis. Li diris ke tiokaze li devus voki verajn policanojn kaj la konsekvenco estus akuzo. Nun parolado komenciĝis, alia anino de la policeto venis el la domo. Ni diskutis kial li volis noti miajn personajn datumojn. Li diris iom kiel: Unue nenio okazos, sed kaze mi skandalus denove, mi jam estus konota. Mi demandis, kiu leĝo malpermesas fotadon de tie, tamen mi ricevis nenion krom la argumento pri la privateco de la areo. Mi ankaŭ demandis kio devus esti la diferenco inter foto de la strato kaj de tiu loko. Ankaŭ kial neniu ŝildo montras la malpermeso de fotado? Li diris ke oni ne volus ŝtopi la cirkaŭon per ŝildoj.
Post apr. dek minutoj la deĵora estro venis. Li daŭris argumenti iom, sendis liajn kolegojn internen – por ke ili ne plu tremu pro frosto. Finfine li diris ke li ĉesas postuli mian legitimilon – ĉar la plej apudaj veraj policanoj estus tre okupataj. Mi sciigis al li kial mi fotis la malplenan areon antaŭ la centro – por dua bloga afiŝo, nun pri la prokastrata espero al kronvirusa vakcinado. Mi diris al li la retan adreson de ĉi tiu esperanta blogo – kaze li volas legi ĝin.
Finfine mi konsilis al li ke li kaj liaj estroj devus pensi pri tio: Tiaj agoj – tiaj malpermesoj kaj provataj notoj de personaj datumoj – nur fabrikas konspirajn teoriulojn – kontraŭ kiuj ili ŝajne volas defendi la vakcinadan centron. Alemenaŭ mi esperas ke al tia defendo ili celas.
Nun, kion mi devus fari? Ĉu mi ne plu tuŝu tiun aferon? Ĉu mi skribu al la loka politikisto kiu respondecas por la Stadtpolizei. Por ke li pripensu liajn ordonojn al la policeto.
Aŭ ĉu mi nur troigas kaj estas teatra?
Bonvolu komenti!
Aldono de 27a de Februaro:
Hodiaŭ mi ricevis respondon de la loka politikisto kiu respondecas por la Stadtpolizei. Mi skribis al li, Bürgermeister Dr.Oliver Franz, je la 16a de Februaro. Estas rapida respondo. 👍
Li (pli verŝajne unu de liaj helpantoj – tio kutimas kaj laŭ mia opinio enordas) skribas ke li reviziis la fotan malpermeson per interdiskuto de la kvin aŭtoritataj departementoj. La rezulto estas ke ĉio endordas. Ĝi necesas por la sekureco de la vakcinatoj. Kaj ĝi estus afiŝita per bonaj videblaj ŝlidoj. Li finas la leteron per la konstato ke tial la agoj de la policetanoj enordis.
La ŝilda punkto simple malpravas – estas facile videbla je la supra foto – estas neniuj ŝildoj kiuj montras ian malpermeson.
La punkto pri la sekureco de vakcinatoj: Ĝi sensencis almenaŭ je tiu sabato. La nura senco de mia foto estis montri, ke la vakcinatoj mankas.
Pri ambaŭ punktoj mi klare skribis en mia letero. Mi ankaŭ skribis ke la policetanoj agis akurate. Do ankaŭ la tria punkto ne trafas la sencon de mia letero.
Li ne respondas al mia demando ĉu estas pliaj domoj kun similaj reguloj en Visbadeno.
Al mia demando pri la jura bazo li ankaŭ ne respondas. Verŝajne li pensas ke la referenco al la interdiskuto de la kvin aŭtoritataj departementoj sufiĉas kiel jura bazo. Eble tio estos grava problemo post la kronvirusa tempo: La aŭtoritatoj estos konvinkataj ke iliaj agoj estos finintaj la krizon – kaj tial estontece ili povas fari ĉion, kio taŭgas laŭ iliaj konvinkoj.
Nu, mi ne plie problemigas tiun aferon. Pro tio ĝi estas tro malgrava. Tamen la fina sento el la afero estas malbona: La politikisto tute memkontentas. Li ne komprenas ke malpermeso de fotoj de ne estantaj homoj nome de sekureco de ĉi tiuj homoj iel ridindas. Anstataŭ la resumo de lia letero estas: Ĉio bonas.
Al tio mi simple ne povas konsenti. 👎
P.S. Ironie la – per la supra foto facile malpruvita – aserto pri la bonaj videblaj ŝlidoj montras kiel tiaj fotaj malpermesoj problemas. Fari fotojn ofte estas la nura rimedo de civitano kolekti pruvojn pri malĝustoj.
*1 La Stadtpolizei – antaŭe sciita kiel Ordnungsamt – ne estas vera polico, sed loka autoritato kiu generale kontrolas ĉu lokaj aferoj enordas.