Mi esperas la unuan. Ĵaŭdon de la lasta semajno mi ricevis la unuan vikcinadon kontraŭ la kronviruso. Mi decidis por la vakcino de AstraZeneca – tial jam nun.
Iel la vakcinado de AstraZeneca havas malbonan reputacion en Germanio. Tial por ĝi ne plu estas prioritato por pli maljunuloj aŭ por laboristoj de pli gravaj profesioj.
Mi certas ke ne estas valida medicina kialo por tia malbona reputatcio, almenaŭ ne por mezaĝa viro kiel mi. Pli ĝuste estas la komencaj problemoj de AstraZeneca liveri vakcinojn al la EU kaj samtempe ĝia rifuzo provizi vakcinojn kiuj estis produktitaj en U.R. al EU – kvankam samtempe milionoj da vakcinoj estis provizitaj el EŬ al U.R. Tio koliziis kun la ĉagreno pri Breliro kaj la fanfaronado de Boris Johnson. Mi pensas ke tio estos afero por multaj politikokrimaj libroj, artikoloj kaj por akademiaj publikadoj en la fakoj medicina historio.
Mi – kaj Germanio ĝenerale – nun estas je la lastaj kilometroj de tiu sankriza maratono. La lastaj kilometroj de kurado aŭ migrado povas esti la tre malfacila. Kutime oni atingas la celon, sed tro frua memkontento povas kaŭzi kolapson. Do ĉi kaze ni daŭru esti atentaj.
Neniu estos sekura ĝis ĉiuj estos sekuraj. Tio proverbo pri la kronvirusa pandemio tre veras. Do kio pri vakcinadoj en aliaj landoj? Ĉu la ricaj landoj retenas la plejparton de la vakcinadoj pro ili mem? Ĝis nun la EU eksportis pr. duonon de la produktitaj vakcinoj (vidu ĉi tiun novaĵojn – la dirita nombro 200 milionoj proksimas la nunan nombron de vakcinoj uzitaj ene de EU). Certe, la situacio en Barato – por ekzemple – estas tre severa, kruela. Tamen ĉu oni vera pravigus pli grandan parton de eksportado, kiam la malsano ankaŭ gravas ĉi tie?
Kio okazos post la pandemio?
Kio estos pri la sociaj kaj politikaj tensoj kiujn la kronviruso kaŭzis? Mi nun certas ke ili ne facile malaperos. Eĉ post ĉiuj homoj de la mondo estos havintaj la eblon por vakcinado restos malfidojn, mensogojn. Estos multaj homoj kiuj suferis aŭ ec daŭros suferi. Samtempe kaj samloke estos kelkaj fiuloj kiuj mempliriĉigis, mempligravigis per la krizo. Iuj nur hazarde iĝis gravaj kaj fiuzis tion. Bedaŭrinde restas en la homa naturo, ne facile cedi tiajn gajnojn, eĉ post la malbona kialo ne plu ekzistas.
Cetere, tio ne temas pri ĉiutagaj eraroj. Ĉiu iam faras tiajn erarojn. Eĉ pli, necesa agado ofte ne povas bazata sur plena scio kaj faktoj. Tiokaze tute ne temas pri eraroj.
La plej granda kazo de tia speco estas la registraro de Ĉinio. Ĝi kaj ĝia politika sistemo komence ebligis la sankrizon*1. Ni daŭru memori al Li Wenliang. Ni ankaŭ daŭru memori al la civitanaj ĵurnalistoj, p.e. Zhang Zhan, kiuj nun suferas en Ĉina malliberejo por raportoj pri Vuhano je la komenco de la sankrizo. Nun la Ĉina estaro provas prezenti sin kiel savisto. Ni neniam kredu tion!
Ne nur grandskale, ankaŭ en ĉiutaga vivo maluzado de nova situacio okazis, okazas. Ofte sen fia intenco. Kelkfoje la fiuzado evidentas. En Aprilo 2020 la Sanministro de Germanio diris “Verŝajne ni devos pardoni al ni multe”. Tio ne estos facila, ĉar en la homa naturo ne facilas koncedi erarojn aŭ maluzadon, eĉ ili estis senintence. Aliflanke ankaŭ ne facilas akcepti ke maljustaĵoj povis kaŭzitaj per agoj sen fiaj intencoj, aŭ ke ili ofte nur estas hazardaj okazaĵoj.
Ĉu io optimisma ankaŭ? Jes. Mi kredas ke la konscio por daŭripovo ĝenerale pligrandiĝas. Eble komence de postkrizo oni kompensos festojn kaj vojaĝojn. Tamen post kaj post iom de la antaŭkriza sencela aktivado malpligrandiĝos. Mi esperas ke mi povos skribi plie pri tio kiam mi pli ofte forlasos la hejmon ol dum la pasinataj dek kvar monatoj.
Suplemento je la 15 Julio:
Jen foto de mia dua vakcinado hieraŭ.
En Germanio nuntempe la nombro de novaj infektitoj estas tre malalta. Tamen en aliaj landoj kun simila kvoto de vakcinitoj la nombro denove estas tre alta. Mi memorigas al la supra frazo pri la malfaliceco de lastaj kilometroj dum maratono. Ŝjanas al mi, ke ne nur la nova kronvirusa variaĵo delta kaŭzas la realtiĝo, sed ankaŭ la memkontento.
Iokaze, mi esperas ke la fantomado baldaŭ ĉesos.
Finfine la respondo al la nuntempe kutima, unua-monda demando: Mia dua vakcinado estis de BioNTech/Pfizer.
*1 Eĉ se la kronviruso nur hazarde ekaperis en Vuhano – la fruaj fiagadoj de la Ĉina sistemo ebligis la tutmondan sankrizon. Mi nun ne plu certas ke la kronviruso nur hazarde komencis tie. Legu tiun anglalingvan artikolon: Se oni supozas ke la faktoj kaj ligiloj estas ĝustaj. Tiokaze nur la fina pruvo mankas. Ĉiuj indicoj montras, ke la kronviruso estis fabrikita en tiuj vuhanaj laboratorioj kaj senintence eskapis. Ĉiu akuzata antaŭ normala tribunalo estus kondamnata se tiom multaj indicoj estus prezentataj.
Antaŭ mi legis la artikolon mi estis skeptika. Tamen nur ĉar alia fiulo – Donald Trump – asertis tion tre frue kaj evidente nur por kovri sian propran fiaskon – la afero ne malpravas.
Ankaŭ tio gravas: Kelkaj virusscienculoj el diversaj landoj delonge esploris kiel fari virusojn pli infektantaj, kiel fari la kaŭzatajn malsanojn pli severaj. Ne nur militaj “sciencistoj”, kaj ankaŭ civitaj sciencistoj – per publika mono. Ĉu tio povas daŭri?